افتكارتى عن الممثلين

فيه ممثلين كتير قوى بيبقوا بجد جامدين بس بيفضلوا دائما فى حيز واحد رغم انهم بيكون عندهم قدرات تمثيلية عالية...
و من اهمهم فى نظرى : 1-احمد منير: الضابط فى شورت و فانيلة و كاب و فى شباب على الهواء و صبيح فى رشة جريئة..فى الثلاث افلام كانت ملامح الشخصية واحدة الشخص الواصل ذو النفوذ العصبى المتهور و فى رأيى الشخصى قام احمد منير بتأدية الثلاث شخصيات او الشخصية ثلاث مرات باقتدار و اعتقد انه لو طلع برة الاطار ده حيبقى ممثل جامد جدا جدا لانه موهوب.
و ثانيهما : عباس ابو الحسن: الجزار فى مافيا و ضابط التعذيب فى عمارة يعقوبيان...ممثل استاذ..عارف هو بيعمل ايه و بالرغم من ان برضه الشخصيتين بينهم ملامح مشتركة كتير إلا انه اداهما ب(معلمة) وبالرغم من ان القليلين فقط عرفوا اسمه الا ان الجميع كانوا فاكرينه وعلق مع الكل فى الفيلمين.
و فى كل مراحل السينما وجد دائما هؤلاء الممثلين الذين لم يكافئهم الحظ ببعض الشهرة بالرغم من مقدرتهم الفنية..و على الرغم من لعبهم ادوار مهمة و ان كانت صغيرة فى السينما فقد يظلون ممثلين صغار مهما كبرت مواهبهم الفنية.